श्लोक 5.8.10

अहो बतायं हरिणकुणकः कृपण ईश्‍वररथचरणपरिभ्रमणरयेण स्वगणसुहृद‍्बन्धुभ्यः परिवर्जितः शरणं च मोपसादितो मामेव मातापितरौ भ्रातृज्ञातीन् यौथिकांश्चैवोपेयाय नान्यं कञ्चन वेद मय्यतिविस्रब्धश्चात एव मया मत्परायणस्य पोषणपालनप्रीणनलालनमनसूयुनानुष्ठेयं शरण्योपेक्षादोषविदुषा॥ ९॥ नूनं ह्यार्याः साधव उपशमशीलाः कृपणसुहृद‍् एवंविधार्थे स्वार्थानपि गुरुतरानुपेक्षन्ते॥ १०॥